شارانىڭ ماقساتى –قر-دا ينۆەستيتسيالىق جوبالاردى ىسكە اسىرۋدىڭ تيىمدىلىگىن جانە باقىلاۋىن قامتاماسىز ەتۋ ءۇشىن «اقپاراتتىق قازاقستان – 2020» مەملەكەتتىك باعدارلاماسىنىڭ شەڭبەرىندە KAZAKH INVEST كومپانياسى جاساعان CRM اقپاراتتىق-مونيتورينگىلىك جۇيەسىن پوتەنتسيالدى پايدالانۋشىلارعا, ينۆەستورلارعا جانە مەملەكەتتىك اتقارۋشى ورگاندارعا پرەزەنتاتسيالاۋ.
CRM اقپاراتتىق-مونيتورينگ جۇيەسى - «KAZAKH INVEST» ۇك» اق قىزمەتكەرلەرى, قازاقستاندىق جانە شەتەلدىك ينۆەستورلار جانە كاسىپكەرلەر ءۇشىن بىرىڭعاي اقپاراتتىق جۇيە, ول ينۆەستورلار, ينۆەستيتسيالىق جوبالار, وندىرىستىك الاڭدار جانە پوتەنتسيالدى ينۆەستورلاردىڭ اقپاراتتىق سۇراتۋلارى جونىندە تولىق, شىنايى جانە وزەكتى اقپاراتتى قامتيدى.
العى سوزىندە KAZAKH INVEST كومپانياسىنىڭ باسقارما توراعاسىنىڭ ورىنباسارى ءبىرجان قانەشەۆ CRM جۇيەسىنىڭ باستى مىندەتتەرى جونىندە اڭگىمەلەدى.
«بۇرىن مالىمدەگەنىمىزدەي, وسى جىلى ءبىز ينۆەستيتسيالىق جوبالاردى كەشەندى ەلەكتروندىق مونيتورينگىلەۋدىڭ جۇيەسىن جاساۋعا كىرىسكەن بولاتىنبىز. 1 قازاننان باستاپ بۇل جۇيە جۇمىسىن باستادى, سوندىقتان بۇگىن ءبىز وسى زالعا مۇددەلى مەملەكەتتىك ورگانداردىڭ وكىلدەرىن, پوتەنتسيالدى جانە اعىمداعى ينۆەستورلاردى, قارجى ينستيتۋتتارىنىڭ وكىلدەرىن - CRM جۇيەسى قىزىقتى جانە جۇمىستارىندا پايدالى بولاتىن بارلىق تاراپتاردى جينادىق», - دەپ ايتتى ب. قانەشەۆ.
بەلگىلى بولعانداي, قازاقستان رەسپۋبليكاسىنىڭ مەملەكەت باسشىسىنىڭ 2013 جىلعى 8 قاڭتارداعى № 464 جارلىعىمەن «اقپاراتتىق قازاقستان – 2020» مەملەكەتتىك باعدارلاماسى بەكىتىلدى, ونىڭ ماقساتى اقپاراتتىق قوعامعا اۋىسۋ ءۇشىن جاعدايلار تۋدىرۋ بولىپ تابىلادى.
باعدارلامانىڭ باستى مىندەتتەرىنىڭ ءبىرى - مەملەكەتتىك باسقارۋ جۇيەسىنىڭ تيىمدىلىگىن جانە اقپاراتتىق-كوممۋنيكاتسيالىق ينفراقۇرىلىمنىڭ قولجەتىمدىلىگىن قامتاماسىز ەتۋ.
CRM جاڭا جۇيەسى ينۆەستيتسيالاردى تارتۋ بويىنشا پروتسەستى ءتيىمدى باسقارۋدى, جۇمىستاردىڭ بارىسىن تۇراقتى مونيتورينگىلەۋدى قامتاماسىز ەتەتىن دەرەكتەرمەن كوپجاقتى الماسۋعا مۇمكىندىك بەرەدى. بەلسەندى جوبالارعا, انىقتامالىق جانە ماركەتينگتىك ماتەريالدارعا جالپى قول جەتكىزۋ ۇيىمداستىرىلادى, اقپاراتپەن الماسۋ جانە كەلىستىرۋ جىلدامداتىلادى.
باسقارما توراعاسىنىڭ ايتۋىنشا, ەل ەكونوميكاسىن دامىتۋدا ساندىق تەحنولوگيالار ماڭىزدى ءرول اتقارادى. ەلدىڭ ساندىق ەكوجۇيەسىنىڭ پروگرەسسيۆتى دامۋى تۇراقتى ەكونوميكالىق وسۋگە, ەكونوميكانىڭ جالپى باسەكەگە قابىلەتتىلىگىنىڭ جوعارىلاۋىنا ىقپال ەتەدى.
«CRM جۇيەسىن ىسكە قوسۋ KAZAKH INVEST كومپانياسىنىڭ ەلدىڭ ساندىق ەكونوميكاسىنىڭ ىسكە اسىرىلۋىنا سالعان ۇلەسى بولىپ تابىلادى. بەرىلگەن جۇيە جۇمىس بارىسىن اۆتوماتتاندىرۋ قۇرالىنا اينالادى. مەملەكەت باسشىسى نۇرسۇلتان ءابىش ۇلى نازارباەۆ اتاپ وتكەندەي, قازاقستاندا ينۆەستورلار ءۇشىن بىزدە بارلىق جاعداي جاسالعان. بۇل تۇرعىدا ەنگىزىلگەن CRM جۇيەسى ينۆەستيتسيالىق جوبالاردى سۇيەمەلدەۋ تيىمدىلىگىن كۇشەيتۋ بويىنشا الەمدىك ينۆەستورلار قوعامداستىعى ءۇشىن ەلەۋلى سيگنال بولادى», - دەپ قوستى ءسوز سويلەۋشى.
سونىمەن بىرگە ب. قانەشەۆ الداعى كەزەڭگە جوسپارلار جونىندە ايتتى: «كەلەسى جىلى KAZAKH INVEST كومپانياسى تسيفروۆيزاتسيالاۋ شەڭبەرىندە CRM جۇيەسىن قازاقستاننىڭ مەملەكەتتىك ورگاندارىنىڭ ۇقساس جۇيەلەرىمەن بىرىكتىرۋدى جوسپارلايدى».
پرەزەنتاتسيا قاتىسۋشىلارىنا CRM مۇمكىندىكتەرىن جانە جۇيەنى جەتىلدىرۋ پوتەنتسيالىن ۇسىندى. سونداي-اق شارا شەڭبەرىندە CRM-جۇيەسىن تەستىلەۋ جانە قىزىقتىراتىن سۇراقتارعا جاۋاپ الۋ مۇمكىندىگى بولدى.
